Hanyoyin da za kubi wajen sarrafa kwai cikin sauki.
Hanya ta farko da abubuwan da za a nema.
* Kwai
* Nama
* Curry
* Maggi
* Gishiri
* Tumatir
Procedures
Ki dafa kwanki, daidai yawan da kike so ki yanka shi kanana, ki yanka tumatir, attarugu da albasa akai ki yanka tafasasshen namanki kanana a kai, ki fasa kwan ki zuba akai, kisa maggi, curry, gishiri, ki kada ya kadu sosai, ki dora mai a kan wuta ki soya kamar suyar wainar kwai.
Hadin suyar kwai na biyu
Abubuwan da za a nema;
* kwai
* Nama
* Maggi da gishiri
* Curry
* Albasa
* Attarugu
Yanda za a hada
Ki tafasa namanki da maggi, curry, thyme, albasa, ki daka shi sosai, ki fasa kwai ki yanka albasa, attarugu, ki zuba dakakken nama, ki karo maggi da gishiri daidai yadda kike so, ki kada sosai, ki soya kamar wainar kwai.
Hadi na uku
Abubuwan da za a nema
* Kwai
* Nama
* Gishiri da Maggi
* Albasa
* Attarugu
* Mai
Abubuwan da za a hada
Ki dafa kwanki daidai yawan da kikeso, kowanne ki yanke kasansa wajen fadin kadan ki kwakule kwanduwar a hankali ki cire ta, ki tafasa namanki da curry, thyme, maggi, gishiri. Idan ya dahu ki zuba attarugu kadan ki daka naman, sannan ki dinga debo dakakken naman kina turawa cikin kwai,
Idan ya cika sai ki debo kwanduwar ki toshe bakin kwan da ita, haka zakiyi tayi har ki gama, sannan ki dinga tsoma kwan a cikin ruwan kwai kina soyawa, idan ya soyu sai ki kwashe, wannan nama cikin kwan yana da dadi.
Wainar kwai da Alayyahu
Abubuwan da za a hada
* Kwai
* Hanta
* Alayyahu
* Curry
* Maggi da gishiri
* Albasa da Attarugu
* Manja ko Mai
Yanda za a hada
Ki yanka alayyahunki kanana, hantar ki daka ta, bayan kin dafe ki fasa kwai ki zuba hantar, ki zuba alayyahunki, curry, maggi, gishiri, da albasa, idan kina so, ki soyata kamar suyar wainar kwai.
Comments
Post a Comment