HADIN MATAN AURE, HADI NA MUSAMMAN

Ingantaccen Hadin Matan Aure hadu na musamman.

Abubuwan da za a nema

- Kankana

- Garin Kunun Aya

- Madara peak

- Zuma (optional)

Da farko zaki samu kankanarki mai kyau, in kwallo ne ki wanke bayan kafin ki yanka,in rabi zaki sa in duka ne duk dai yadda kike so, sai ki yanyanka ta kar ki cire kwalkayen duk dasu za ki hada.

Ki dauko blender dinki ki zubar a ciki kiyi blending. Sai ki kawo Garin Kunun Aya da yaji hadin (Aya, dabino, kwakwa, Kanumfari,) ki zuba a ciki, ki zubar madarar ki ta ruwa ko ta gari duk wadda kika samu.

Sai ki zuba a cup ki Sha, ke da kanki za ki fahimci wane irin aiki hadin yayi miki, ba sai na tsaya dogon bayani ba. Shawara a matsayinki na Mace ki kokari ki kauce ma shaye - shayen kayan Mata batkatai da cushe - cushen da ba kusan da me aka hada su ba.

Ki tsaya a kan abubuwan da Zaki hada da hannunki, kika San tsaftarsu da ingancin su Kuma ba tare da kashe kudade masu yawa ba. Wannan shawara ce kawai Wanda yaga zai iya dauka to Alhmdlillh.